Barcha bloglar

Дархонбек Маматалиев АҚШда  Uberда iOS-дастурчи бўлиб ишлайди. Plov.Pressга Америкада қандай ҳаётда яшаётгани ва Ўзбекистондаги IT-соҳаси ҳақида ўз фикрини сўзлаб беради.

Йўлнинг бошланиши

Дархонбек Маматалиев ёшлигидан информатика ва дастурлашга қизиқади. У мактаб ва коллеж, кейин эса универститатда турли олимпиадаларда қатнашади. Бундан ташқари, Дархонбек ITтанловларда иштирок қилган.

Ўзбекистонда Тошкент шаҳридаги Инҳа университетини тамомлаган. Дархонбек Green Card лотереясини ютиб, АҚШ компанияларига ариза топширади. 2019 йилда АҚШга кўчиб ўтди ва ITсоҳасида ишга жойлашди.

Нега Америка?

Маматалиев АҚШни барча технологик компанияларнинг маркази деб атайди. Бу мамлакатга кўчиб ўтиб, у иккита асосий мақсадга риоя қилди: пул ишлаш ва дастурчи сифатида техник билимини ошириш.

Дархонбекнинг сўзларига кўра, IT мутахассис ўрганиши учун тажрибали мураббийга эга бўлиши керак. Бундан ташқари, улкан маҳсулотлар керак, улар устида ишлаб катта ва мураккаб вазифаларбажариш орқали малакасини ошириш шарт. Буларнинг барчасини Дархонбек АҚШда топишга умид қилганди.

Молиявий нуқтаи назардан, IT мутахассислари учун энг юқори маош Америкада тўланади. Бу мамлакатда ишлаш учун барча ҳам шароитлар мавжуд, масалан юқори тезликдаги интернет, арзон ускуналар харид қилиш имконияти мавжуд.

АҚШда кўплаб истиқболлар ва имкониятлар мавжуд, чунки кўплаб компаниялар ITмутахассислари, жумладан тиббиёт муассасалари, суғурта компаниялари, банклар муҳтожлик сезади. АҚШда йирик компаниялар учун юз миллионлаб одамлар фойдаланадиган маҳсулотлар ишлаб чиқилиши ҳақида гап кетаётгани ҳам Дархонбек учун аҳамиятли эди.

АҚШда кўплаб мавзуларда тез-тез тадбирлар бўлиб туради. У ерда  бевосита таниқли ишлаб чиқувчилар иштирок этадиган ITконференцияларида қатнашиш мумкин.

Кўчиб ва уйдан узоқда яшаш қийинчиликлари

Green Card туфайли Маматалиевда кўчиш ва ишга жойлашиш билан боғлиқ муаммолар бўлмади. Бироқ, Қўшма Штатларга келгандан сўнг дарҳол қийинчиликлар пайдо бўлди. Дархонбек бу ерга келиш, чипта ва турар жой учун бор пулини сарфлади. Бошқача айтганда, биринчи маошгачаяшаши учун атиги 500 доллари қолган эди.

У дуч келган яна бир қийинчилик яқин атрофда қариндошларнинг йўқлиги эди. Дархонбекнинг таъкидлашича, янги жойга кўчиб борганингиздаяқин атрофда на дўстлар, на оила, на алоқалари бўлмайди. Янги дўстлар орттиришингиз ва янги маданиятга мослашингиз керак.

Ҳозир нима қиляпти?

25 ёшли Дархонбек Uber Eats компаниясининг мобиль дастурчиси. Бу дунёнинг кўплаб мамлакатларида фаолият юритувчи ресторан ва дўконлардан озиқ-овқат маҳсулотларини етказиб бериш иловаси.

Дархонбек ҳар олти ойда Ўзбекистонга келади. Бу ерда у университетларда нутқ сўзлайди ва конференцияларда қатнашади. Айни дамда Маматалиев яқин орада ватанига қайтиш ниятида эмас.

Дархонбек дунё бўйлаб саёҳат қилиш ва ITсоҳасида халқаро тажриба билан танишишни режалаштирган. У хориж маданияти ва бизнесини ўрганиш, бошқа мамлакатлардаги IT соҳасининг ўзига хос хусусиятлари ва муаммолари билан танишишни истайди.

Ўзбекистондаги IT соҳаси ҳақида фикрлар

Дархонбек Ўзбекистонда дастурчилар ва бошқа соҳа мутахассисларининг маоши қанчалик тез ошиб бораётганидан ҳайратда. У буни мазкур соҳанинг кескин ўсиб бораётгани, йирик халқаро компанияларнинг республикага кириб келаётгани билан боғлайди. Кўплаб ўзбекистонлик мутахассислар хориждаги мижозлар учун масофадан туриб ҳам ишлайди.

Маматалиевнинг сўзларига кўра, инфратузилма билан Ўзбекистонда ҳаммаси бир текис кетаётгани йўқ. Тошкентда юқори тезликдаги интернет борасида муаммо йўқ, лекин пойтахтдан ташқарида тез-тез кўзга ташланади. Шу билан бирга, Дархонбек IT-Паркнинг бу йўналишдаги қилинаётган ишларини таъкидлаб ўтди – бутун мамлакат бўйлаб филиал ва IT марказларида ўқиб, ишлаш мумкин.

Дархонбек, шунингдек, Ўзбекистонда IT саноати жадал ривожланаётганини ҳам қайд қилади. Ёшларнинг ушбу йўналишда ўқиш ва ишлашга қизиқиши ортиб бормоқда. Бироқ, республикада жуда кўп ажойиб маҳсулотлар ва тажрибали дастурчилар мавжуд эмас, бу эса ўсишни секинлаштиради. Тегишли билим ва тажриба йўқлиги сабабли ўзбекистонлик мутахассислар камдан-кам ҳолларда жаҳон стандартларига жавоб бера олади. Буни бартараф этиш учун таълим сифатини ошириш муҳим аҳамиятга эга.

Умуман олганда, Дархонбекнинг ишончи комил, тўғри ёндашув билан Ўзбекистон тез орада ITсоҳасида янги босқичга кўтарилиши мумкин. У ёш ватандошларга тажриба орттириш, амалиёт ўташга эътибор қаратишни маслаҳат беради, шунингдек, иш фақат бир жойда ўтиришга боғлиқ бўлганлиги сабаб, спортни унутмасликни тавсия қилди.

it-park.uz сайти материалларидан фойдаланилди.