Қозон Федерал университети ўзбекистонлик абитуриентларини онлайн тақдимотга таклиф қилади

31 январь куни Қозон федерал университети Геология ва нефть-газ технологиялари институтининг онлайн тақдимоти бўлиб ўтади. Ўзбекистонлик абитуриентларга ўқишга кириш имкониятлари ҳақида маълумот берилади. Шунингдек, улар университет вакиллариданўзларини қизиқтирган саволларга жавоб олиши мумкин.

Институт номидан кўриниб турибдики, у иккита асосий йўналиш бўйича дастурларни тақдим этади. “Геология” йўналиши бўйича ўқув жараёнида талабалар Россиянинг турли минтақаларида амалий машғулотлардан ўтадилар. Ёш геологлар ўқишни тамомлагандан сўнг тоғ-кон ва нефтькорхоналарида, геофизик ва гидрогеология ташкилотларида, йўллар ва саноат объектларини қуришда ишлашлари мумкин.

Иккинчи йўналиш – нефть ва газ бизнеси. Ушбу дастур нефть ва газ саноатида нефть ва газ қазиб олиш, улар қайта ишлангач, маҳсулотларни ташиш ва сақлаш соҳасида малакали юқори малакали мутахассисларни тайёрлашга қаратилган.

Институт Қозон Федерал университети таркибига киради. Ушбу университет Россиянинг энг қадимги таълим даргоҳларидан бири – 1804 йилда ташкил этилган. 2019 йилда университет чет эллик талабалар сони бўйича Россияда иккинчи, 2021 йилда эса биринчи ўринни эгаллади.

Сана ва вақт

31 январь, 16:00 (Москва вақти билан).

Платформа

ZOOM.

Қатнашчилар

Геология ва нефть-газ технологиялари институти вакиллари ва хорижлик талабалар.

Тадбир тили

Рус.

Рўйхатдан ўтиш

Ҳавола орқали ўтилади.