Ижтимоий тармоқларда Россиянинг “Самарқандда омон қолиш” кўрсатувининг янги мавсуми суратга олиш жараёнидан видео пайдо бўлди. Телеграм каналимизда ҳам томоша қилишингиз мумкин.

Бошловчилардан бири Лайсан Утяшева “Дубайда омон қолиш” телекўрсатувининг давоми суратга олиш ишлари Ўзбекистонда бўлиб ўтишини маълум қилди, деб ёзади “Repost.uz”. Машҳур россиялик спортчининг шериги эри, артист Павел Воля.

Суратга олиш ишлари бошқа мамлакат ва шаҳарга кўчиб ўтганлиги сабабли шоу номи ўзгарди. “Самарқандда омон қолиш” лойиҳасининг шартлари тафсилотлари ҳозирча номаълум.

ТНТ каналида намойиш этилган "Дубайда омон қолиш" кўрсатувида иккита жамоа – халқ жамоаси ва юлдузлар жамоаси иштирок этди. Улар бош соврин – 10 миллион рубль учун кураш олиб боришди. Иштирокчилар синовдан ўтказилди ва ғолиблар ҳашаматли меҳмонхонада, ютқазганлар эса цивилизация имтиёзларисиз саҳрода яшашди.

Россия терма жамоасининг собиқ ярим ҳимоячиси Павел Мамаев “Дубайда омон қолиш” лойиҳасидағолиб бўлди. У мукофотни хайрия қилди.