Подпишитесь
на наш Telegram канал
Россиянинг Иваново шаҳрида Ўзбекистон Савдо-саноат палатасининг Савдо уйи очилди, унда “Made in Uzbekistan” бренди остида турли ишлаб чиқарувчиларнинг маҳсулотлари намойиш этилади.
Савдо уйи икки давлатнинг иқтисодий ўсиши, экспорт ва импортини ривожлантириш учун янада қулай шарт-шароитлар яратади. Шунингдек, ўзбекистонлик ишлаб чиқарувчиларнинг Россия бозорига чиқиши учун янги имкониятлар яратади.
23 апрель куни хабар қилинган тадбирда Ўзбекистоннинг Фавқулодда ва мухтор элчиси Ботиржон Асадов, Иваново вилояти ҳукумати вакиллари, Иваново области Савдо-саноат палатаси раҳбари Леонид Иванов иштирок этди. Айнан Л.Иванов Ивановода Савдо уйининг очилишини Ўзбекистон ва Россия ўртасидаги икки томонлама ҳамкорлик эволюциясидаги янги босқич деб атади.
Лойиҳа ҳар икки давлат ҳукуматлари томонидан қўллаб-қувватлангани алоҳида таъкидланди. Очилишда, шунингдек, Россиянинг Ўзбекистон озиқ-овқат маҳсулотлари, тўқимачилик, ҳунармандчилик ва кулолчилик маҳсулотларини импорт қилишга қизиқиши ҳақида сўз юритилди.
O'zbekistondagi eng so'nggi yangiliklar
smartfoningizda