Подпишитесь
на наш Telegram канал
Тез орада Ўзбекистонда “Россия темирйўллари” ОАЖ (РЖД) ваколатхонаси пайдо бўлади. Мамлакатлар Россия бош вазири ўринбосариВиталий Савельев бошчилигидаги делегация ташрифи чоғида бу борада келишиб олди.
Тошкентда Россия Федерацияси Транспорт вазирлиги вакиллари ва Россия темир йўллари раҳбари Олег Белозеров Президент Шавкат Мирзиёев, Бош вазир Абдулла Арипов ва Транспорт вазири Илҳом Маҳкамов билан музокаралар ўтказди.
Томонлар, 18 сентябрь куни хабар қилинганидек, туристик поезд йўналишлари вариантларини кўриб чиқди. Бундан ташқари, айни пайтда юк ташиш сегментида “Агроэкспресс” тезлаштирилган музлаткичли контейнер поездини ишга тушириш устида иш олиб борилмоқда.
Россия бош вазири ўринбосари икки давлат транспорт-логистика соҳасида фаол ҳамкорлик қилиб, транзит ва савдо ташувлари ҳажмини оширишга қаратилган қўшма лойиҳаларни амалга ошираётганини алоҳида таъкидлади.
“Россия темир йўллари” (РЖД) ва уларнинг ўзбекистонлик ҳамкорларининг муваффақиятли ҳамкорликдаги фаолиятига алоҳида эътибор қаратилди. Улар биргаликда янги инфратузилма обектларини қурмоқда, йўловчи ташишни ривожлантирмоқда, замонавий логистика ечимлари, рақамли технологияларни жорий қилмоқда, таълим ва гуманитар соҳаларда фаол ҳамкорлик қилмоқда.
Энг муҳим ютуқлардан бири COVID-19пандемияси туфайли узилиб қолган Москва ва Тошкент ўртасидаги тўғридан-тўғри темир йўл алоқасининг қайта тиклангани бўлди. Ушбу йўналишдаги биринчи поезд 24 сентябрь куни жўнайди. Декабрдан бошлаб рейслар частотаси ҳафтасига икки мартагача кўтарилади ва саёҳат вақти уч кундан сал кўпроқни ташкил қилади.
Икки давлат пойтахтлари ўртасида мунтазам темир йўл қатновининг қайта йўлга қўйилгани Россия ва Ўзбекистон ўртасидаги яқин алоқалардан далолат берувчи муҳим воқеадир.
O'zbekistondagi eng so'nggi yangiliklar
smartfoningizda