Татаристон Бухоро ва Навоий билан ҳамкорликни ривожлантирмоқда

Татаристон Республикаси (Россия) Раиси Рустам Минниханов Тошкентда ўтаётган “ИННОПРОМ. Марказий Осиё” кўргазмасининг иштирокчиларидан бири, лекин унинг Ўзбекистонга ташрифи олдинроқ, Бухоро ва Навоийдан бошланган.

Р. Миннихонов 20 апрель куни Бухоро вилоятига келди. У ерда “Бухоро саноатни ривожлантириш мажмуаси” махсус саноат паркига ташриф буюрди. Вилоятга ташрифи якунида ҳоким Ботир Зарипов билан учрашув бўлди.

Ўтган йили ҳамкорлик тўғрисидаги меморандум имзоланган эди, унга кўра Татаристон Ўзбекистонга махсус иқтисодий зоналар қуриш бўйича маслаҳат беришга тайёр. Шу муносабат билан учрашувда Бухорода саноат парки барпо этиш истиқболлари муҳокама қилинди.

Р.Миннихонов бўлажак корхоналар учун кадрлар тайёрлай оладиган таълим муассасасини яратиш муҳимлигини таъкидлади. Шунингдек, у платформани тақдим этиш учун турли мамлакатлар бўйлаб саёҳат қилиш ва қурилиш босқичида аҳолини жалб қилишни маслаҳат берди. Улардан бири келажакда Татаристондан ҳамкор бўлиши мумкин.

Учрашувда машинасозлик, нефт-кимё маҳсулотлари, қишлоқ хўжалиги техникаси, нефть-газ, компрессор, музлаткич ускуналари, автомобил шиналари, ҳалол маҳсулотлар етказиб бериш бўйича ҳамкорликни ривожлантириш масалалари ҳам муҳокама қилинди.

Кейин Р. Миннихонов Навоий вилоятига ташриф буюриб, “Навоий” эркин иқтисодий зонаси саноат парки ҳудудидаги лойиҳалар билан танишди,шунингдек, ҳоким Нормат Турсунов билан учрашди. Татаристон Раисига “Навоий” ЭИЗ сайтлари тақдим этилди. Шунингдек, у билан минтақанинг муҳим табиий бойликлари, саноат ва қишлоқ хўжалиги ҳақида сўз юритилди.