Юз миллиондан ортиқ маҳсулот. Ўзбекистонда Ozon онлайн-бозори очилди

Россиянинг Ozon онлайн-бозори Ўзбекистондаги харидорлар учун расман савдоларни очди.Товарларни мамлакатнинг исталган ҳудудига буюртма қилиш ва уларни ҳамкор етказиб бериш пункти ёки почта бўлимидан олиш мумкин.

Ozon матбуот хизмати 14 ноябрь куни сотувлар бошлангани ҳақида хабар берди. Ўзбекистонда китоб, кийим-кечак, озиқ-овқат, соғлиқни сақлаш маҳсулотлари ва бошқаларни ўз ичига олган 20 дан ортиқ тоифадаги юз миллиондан ортиқ маҳсулотлар мавжуд.

Харид қилинган товарларни етказиб бериш муддати ўртача 12 кун.

Нархлар ўзбек сўмида кўрсатилган. Харид учун “Мир”, Visa, Mastercard, American Express ваUnionPay карталари ёрдамида тўлаш мумкин.

2024 йилда Ozon мамлакатда ўзининг логистика инфратузилмаси, жумладан, омбор мажмуалари ва етказиб бериш хизматини очишни режалаштирмоқда. Республикада буюртмаларни қабул қилиш ва бериш учун бренд пунктларининг франчайзинг тармоғи ҳам ривожлантирилади.

Натижада, компания етказиб бериш вақтини сезиларли қисқартиришни кўзлаяпти. Айни пайтда бу компаниянинг асосий устувор йўналишидир.

Бундан ташқари, Ozon Ўзбекистонда электрон тижоратни тартибга солиш ва трансчегаравий савдо механизмларини такомиллаштиришда иштирок этиш ниятида. Шунингдек, компания Ўзбекистон Савдо-саноат палатаси кўмагида маҳаллий тадбиркорлар учун ўқув тадбирларини ўтказади.

Ozon — 1998 йилда ташкил этилган илк рус универсал онлайн-дўконларидан бири. Бундан ташқари, Data Insight тадқиқот агентлиги маълумотларига кўра, у айланмаси бўйича Россиядаги энг йирик электрон тижорат платформасидир.

2022 йил охирида бозордаги буюртмалар сони 465 миллион донани ташкил этди ва ўша йил давомида хизматларни ҳисобга олган ҳолда савдо айланмаси 832,2 миллиард рублга етди.

Ozon 2021 йилдан бери МДҲда ўз бизнесини ривожлантириб келмоқда. Арманистон, Беларусь, Қозоғистон ва Қирғизистон аллақачон ўз логистика инфратузилмасига эга.

Эслатиб ўтамиз, 2022 йилда Ўзбекистонда яна бир машҳур рус бозори – Wildberries ишга тушди. Ҳозир республикада компаниянинг Россиядан ташқаридаги энг йирик нуқтасига айланиши мумкин бўлган марказ қуришнирежалаштирилмоқда. Wildberries Ўзбекистонда тўқимачилик экспортини ривожлантиришда “Ўзтўқимачиликсаноат” уюшмаси билан ҳам ҳамкорлик қилади.