Ўзбекистонга сармоя киритиш бўйича Хитой ва Россия етакчи

2023 йилнинг январь-сентябрь ойларида Ўзбекистон иқтисодиётидаги Россия инвестициялари ва кредитларининг барча хорижий инвестициялар умумий сонидаги улуши 15,9 фоизни ташкил этди. Бу кўрсаткич Хитойдан кейин иккинчи ўринда - 24,5%.

Саудия Арабистони 7 фоиз билан учинчи ўринда.

Бу маълумотлар 20 октябрь куни Ўзбекистон Республикаси Президенти ҳузуридаги Статистика агентлиги томонидан тақдим этилди.

Яна қайси давлатлар йирик инвесторлар рўйхатида:

- Туркия – 6%;

- Кипр – 4,1%;

- БАА – 3,7%;

- Германия – 3,5%;

- Швейцария - 3,4%;

- АҚШ – 3,3%;

- Сингапур – 2,2%.

Умуман олганда, 2023 йилнинг 9 ойида мамлакатасосий капиталига жалб қилинган хорижий инвестициялар ва кредитлар 2022 йилнинг шу даврига нисбатан 20,1 фоизга ошди. Улар 104,4 триллион сўмни ташкил этди.

Қайд этиш жоизки, хорижий инвестицияларнинг асосий қисми ишлаб чиқариш (41 фоиз) ва тоғ-кон саноати (15,5 фоиз), шунингдек, электр энергияси ва газ таъминоти (13,9 фоиз) соҳаларига тўғри келади.