“Хонатлас” ҳафталиги Ўзбекистон кўчаларини ёрқин рангларга тўлдирди

Ўзбекистонда “Хонатлас” ҳафталиги якунланиб, мамлакатнинг барча ҳудудларидан келган хотин-қизлар кўчага миллий либосларда чиқиб, меҳнат қилиб, ушбу матонинг гўзаллигини тараннум этмоқда.

Бутун бир ҳафта давомида барча вазирлик ва идоралар, давлат ва нодавлат корхоналари ходимлари, олий ўқув юртлари талабалари, ишчи-хизматчилари хонатласдан тикилган кўйлаклар кийишди. Тадбир давомида мода намойишлари, флеш-моблар, чалленжлар, концертлар ташкил этилди.

Албатта, ўзбек дизайнерларининг миллий матолардан тикилган маҳсулотлари бугунги кунда бутун дунёга машҳур. Аммо бу ҳафта ўзбек аёллари кийимининг хонатласдан тикилган, сўнмайдиган ва доимо долзарб бўлган анъанавийгўзаллигини ҳам эслаш имконини беради.

Бу бутун тадбир ўзбек либосларининг машҳурлигини тиклаш, кенг жамоатчиликка хонатласдан тикилган либосларнинг ўзига хос услуби ва гўзаллигини намойиш этишга қаратилган. Жумладан, мамлакат аёллари нафақат байрамларда, балки кундалик ҳаётда ҳам миллий либосларда сайр қилиш имкониятига эга бўлади, бу ҳозир унчалик учрамайди.

Акция Оила ва хотин-қизлар қўмитаси ташаббуси билан ўтказилди. “Нафосат” кўрик-танлови доирасида “Хонатлас” ҳафталиги ташкил этилди. У 8 апрелдан 14 апрелгача бўлиб ўтди.

Хонатлас Ўзбекистондаги энг таниқли брендлардан биридир. Бу ёрқин рангларга эга табиий мато. Ўзбек атласидан тикилган либослар бетакрор бўлиб, жаҳон мода кўргазмалари ва халқаро ярмаркаларда эътиборни тортаётгани бежиз эмас.

Мунтазам равишда ўтказиб келинаётган бундай тадбир ва фестиваллар ўзбек ипакчилигининг ўзига хослигини таъкидлаш, маҳаллий кийим-кечак ишлаб чиқарувчиларни қўллаб-қувватлаш, ёшларда миллий либосларга меҳр уйғотиш имконини бермоқда.