Подпишитесь
на наш Telegram канал
22 сентябрь куни Ўзбекистонда бошқа давлатлар қатори Халқаро автомобилсиз кун нишонланади.Ҳеч бўлмаганда бир кунлик машинада саёҳат қилишдан воз кечган ҳар ким қўшилиши мумкин.
Шу тариқа Экология, атроф-муҳитни муҳофаза қилиш ва иқлим ўзгариши вазирлиги фуқароларни жамоат транспорти, метро ва велосипеддан фойдаланишга таклиф қилди. Бу кун сайр қилиш учун ҳам имконият бўлиши мумкин.
Халқаро автомобилсиз куннинг асосий мақсади ҳавони транспортдан чиқадиган турли заҳарли газлар билан ифлосланишини камайтиришдир. Шунингдек, у соғлом турмуш тарзи, велосипед ва пиёда сайр қилишни тарғиб қилишга қаратилган.
Шахсий транспортдан фойдаланишни минималлаштиришга чақирувчи биринчи бундай тадбирлар 1973 йилдан бери турли шаҳарларда ўтказилади. Акция 1990 йилларда турли мамлакатларда кенгроқ тарқалди. Ниҳоят, 2000йилда Халқаро автомобилсиз кун дастури доирасида бутун дунё бўйлаб шунга ўхшаш кунлар ўтказила бошланди.
Вазирлар Маҳкамасининг 2020 йил 19 ноябрдаги “Аҳолининг соғлом турмуш тарзини қўллаб-қувватлаш ва жисмоний фаоллигини оширишга доир қўшимча чора-тадбирлар тўғрисида”ги қарорига асосан Ўзбекистонда ҳам 22 сентябрь“Автомобилсиз кун” сифатида нишонланди.
O'zbekistondagi eng so'nggi yangiliklar
smartfoningizda