Наманган вилоятида болаларнинг оммавий заҳарланиши. Прокуратура тергов ишларини олиб бормоқда

Ўзбекистон Бош прокуратураси томонидан Наманган вилоятининг Чуст туманида вояга етмаганларнинг заҳарланиши бўйича терговҳаракатлари олиб борилмоқда. Айни дамда болалар айнан нимадан заҳарлангани номаълум.

Шу муносабат билан 21 сентябрь куни Бош прокуратура жамоатчиликни сохта ва ёлғон маълумотлар тарқатмасликка чақирди. Масалан, ҳудудда фавқулодда ҳолат жорий этилгани ҳақидаги маълумотлар ҳақиқатга тўғри келмайди.

21 сентябрь куни соат 16:00 дан бошлаб Чуст вилояти тиббиёт бирлашмаси тез тиббий ёрдам бўлимига заҳарланиш белгилари – иситма, қорин оғриғи, қусиш ва диарея билан оғриган болалар кела бошлаган.

Наманган вилояти соғлиқни сақлаш бошқармаси хабарига кўра, мактабгача таълим муассасаларининг болалари ва мактаб ўқувчилари заҳарланган. 22 сентябрь куни соат 00:14 га келиб 20 нафар боланинг соғлиғи яхши бўлгани сабабли уйларига жўнатилгани маълум бўлди. Бошқаларнинг аҳволи назорат остида эди.

Наманган вилояти соғлиқни сақлаш бошқармаси заҳарланиш 3 ёшдан 15 ёшгача бўлган болаларга бепул ёд тарқатиш акцияси бошланган пайтга тўғри келганини қайд этди. Бу ҳақда аввалроқ батафсилтўхталгандик. Бироқ дори воситаси вилоятдаги бошқа ўқувчиларга ҳам берилган, аммо улардан ҳеч қандай шикоят келиб тушмаган.

Ҳозирда экспертлар воқеа тафсилотларини ўрганмоқда. Соғлиқни сақлаш вазири вазиятни назоратга олди. Якуний ташхис қўйиш учун намуналар олинади ва текширилади.

Вазият ижтимоий тармоқларда кенг муҳокама қилинди. Айрим нашрларга кўра, жами 70 га яқин бола заҳарланган.

Эслатиб ўтамиз, ўтган ҳафтада Самарқанд ва Тошкент вилоятларида овқатдан заҳарланиш ҳолатлари қайд этилганди.