Ўзбекистоннинг учта шаҳрида нефть ва газ саноати учун Россия-Ўзбекистон ўқув марказлари пайдо бўлади

Ўзбекистон ва Россия ҳамкорликда нефтьконлари хизматлари ва қурилиш саноати учун кадрлар тайёрлаш бўйича ўқув марказларини ташкил этади. Улар Тошкент, Самарқанд ва Қаршида пайдо бўлади.

ОАВ хабарларига кўра, Тюмень области Савдо-саноат палатаси президенти Ольга Езикеева TNF2024 саноат ва энергетика форумининг ялпи мажлисида бу ҳақда гапирди.

Келажакдаги таълим муассасаси нодавлат бўлади. У иш берувчиларнинг илтимосига биноан ўқитишни таъминлайди. Ўқув марказлари малакали ишчиларни жалб қилишдан манфаатдор компанияларга Ўзбекистон фуқароларини сертификатлаштириш, уларни танлаш ва ташиш харажатларини камайтириш имконини беради.

Ўтган ҳафта Халқаро узлуксиз таълим институти ва Ўзбекистоннинг “Эриэлл” компанияси ўртасида қўшма марказлар тўғрисидаги шартнома имзоланди. Бунда Тюмень области Савдо-саноат палатаси ҳам иштирок этади. Марказни ташкил этиш ташаббуси “Нефть ва газ кластери” уюшмаси томонидан илгари сурилган.

О.Езикееванинг фикрича, марказлар ҳар икки давлат учун ҳам муҳим бўлади. Иқтисодиёт жадал ривожланиш босқичида бўлган Ўзбекистон учун бу талаб юқори бўлган мутахассисларни тайёрлаш имкониятидир. Шу жумладан, келажакда Россияга ишлашни хоҳлайдиганлар — марказлар туфайли улар яхши тайёргарлик кўришлари муҳим.

“Мамлакатимизда демографик туйнук пайдо бўлганида Ўзбекистонда демографик портлаш содир бўлди, шунга яраша, у ерда ўргатадиган одам бор, — деди Савдо-саноат палатаси президенти.

Унинг сўзларига кўра, бундай марказларнинг долзарблиги шундаки, ҳозирги кадрлар ҳолатини ҳисобга олсак, энг йирик тармоқлари нефт хизматлари ва қурилиш бўлган Тюмень области тез орада “малакали” ишчиларга ҳалокатли эҳтиёж сезади. Шу сабабли, икки йил олдин, Тюмень области Савдо-саноат палатаси ва нефть-газ кластери ўртасидаги ҳамкорликда таълим экспортини жорий этиш бошланди.

Эслатиб ўтамиз, TNF форуми Тюменда бўлиб ўтмоқда ва 19 сентябргача давом этади. Унда Россия ва хорижий 800 дан ортиқ компания вакиллари қатнашди. Форум иштирокчилари орасида ўзбекистонликлар ҳам бор. TNFнинг асосий вазифаси ёқилғи-энергетика комплексидаги долзарб мавзуларни муҳокама қилиш ва саноатдаги энг янги ечимлар билан танишишдир.