Россия шаҳарсозлик бўйича Ўзбекистон билан тажриба алмашади

Россия Ўзбекистон билан шаҳарсозлик, энергия тежовчи технологиялардан фойдаланиш ва қулай шаҳар муҳитини яратиш бўйича ўз тажрибасини баҳам кўришга тайёр.

Бу ҳақда Россия Федерацияси Қурилиш ва уй-жой коммунал хўжалиги вазирлиги делегациясининг 31 июлдан 1 августгача бўлган Ўзбекистонга ташрифи чоғида сўз юритилди. Делегацияга вазир ўринбосари Сергей Музиченко бошчилик қилди. Ташриф доирасида Ўзбекистон Республикаси Қурилиш ва уй-жой коммунал хизмат кўрсатиш вазирининг ўринбосари Таир Алиматов ҳамда Ўзбекистон Республикаси Иқтисодиёт ва молия вазири ўринбосари Гулнора Раҳимова билан учрашувлар бўлиб ўтди.

Учрашувнинг асосий мавзуси қурилиш индустриясини ривожлантириш мавзуси бўлиб, Россия ва Ўзбекистон ўртасида технологиялар, инновациялар ва тажриба алмашишга алоҳида эътибор қаратилди.

“Ўзбекистонда қурилиш нақадар жадал ривожланаётганини кўриб турибмиз, замонавий усуллар, ноёб технологияларни ўзлаштиришга, бу борадаги ишланмаларимиз билан ўртоқлашишга тайёрмиз, — деди С.Музиченко.

Учрашувда шаҳарсозлик қонунчилиги, қурилиш соҳасида харидларни тартибга солиш, шунингдек, қурилиш ташкилотлари рейтингини шакллантириш масалалари ҳам муҳокама қилинди. Иштирокчилар ғазначиликни қўллаб-қувватлаш, йирик инфратузилма лойиҳаларига инвестицияларни жалб қилиш ва уларни биргаликда амалга ошириш имкониятларига тўхталиб ўтдилар.

Умуман олганда, Ўзбекистон ва Россия қурилиш вазирликлари даражасида аллақачон фаол ҳамкорлик қилиб келмоқда. Уй-жой сиёсати, қурилишда техник жиҳатдан тартибга солиш, уй-жой коммунал хўжалиги ва тегишли инфратузилмани модернизация қилиш каби мавзуларда мунтазам йиғилишлар ўтказилмоқда.

Ташриф давомида Россия делегацияси янги Тошкентнинг бош режаси лойиҳаси, шунингдек, келаси йили ёшлар ўртасида биринчи ёзги Осиё ўйинларига мезбонлик қиладиган пойтахтдаги Олимпия шаҳарчаси қурилишининг бориши билан таништирилди. У ерда келажакда ЎзбекистонДавлат спорт академияси ҳам пайдо бўлади. Олимпия шаҳарчаси қайта тикланадиган энергия манбаларидан фойдаланадиган замонавий ёшлар васпорт майдонига айланади.