Россия МСК Владимир Путиннинг Президентлик сайловларида ғалаба қозонганини тасдиқлади

21 март куни Россия Марказий сайлов комиссияси мамлакат президенти сайловини ўтган ва ҳақиқий деб эътироф этди, шунингдек, Владимир Путиннинг ғалабасини тасдиқлади. У 76 277 708 та овоз (87,28%) олди.

Сайловчилар рўйхатига жами 113 011 059 нафар фуқаро киритилган. Овоз беришда 87.575.075 нафар сайловчи иштирок этди – умумий сайловчиларнинг 77,49 фоизи. Тахминан 2,6 миллион киши муддатидан олдин, 8 миллиондан ортиқ киши масофадан туриб овоз берди.

Шунингдек, хорижда овоз бериш бўйича маълумотлар тақдим этилди. Шу тариқа, бошқа мамлакатлардаги сайлов участкаларида 388 791 киши овоз берди. Яна 7910 нафари Калининград, Ленинград ва Псков вилоятларидаги чегара сайлов участкаларида.

— 2018 йилдан буён амалдаги давлат раҳбарига овоз беришга қарор қилган сайловчилар сони 20 миллионга ошди! Кейин мутлақ ҳисобда 56 миллион 426 минг 399 нафар сайловчи Владимир Путинга овоз берди, — деди Россия Марказий сайлов комиссияси раиси Елла Памфилова.

Эслатиб ўтамиз, Россия Федерациясида президентлик сайловлари 15–17 март кунлари бўлиб ўтди. Ўзбекистонда яшовчи Россия фуқаролари ҳам иккита — Тошкент ва Самарқанддаги сайлов участкаларида овоз беришда қатнашиш имконига эга бўлди. Республикада жами 4661 нафар Россия фуқароси овоз берди. Владимир Путиннинг ғалабаси кеча Марказий сайлов комиссияси томонидан расман маъқулланган бўлса-да, Ўзбекистон Президенти Шавкат Мирзиёев 18март куни уни ғалабаси билан табриклади.