Шавкат Мирзиёев: “Шундай улуғ халқнинг ишончи мен учун катта бахт!”

Шавкат Мирзиёев: “Шундай улуғ халқнинг ишончи мен учун катта бахт!”

2021 йил 25 октябрь куни МСК Ўзбекистон Республикаси Президенти сайловининг дастлабки натижаларини эълон қилди. Шавкат Мирзиёев 80,1% овоз тўплаган. Ўзбекистон Либерал-демократик партияси ўз номзодининг ғалабасини пойтахтдаги “Humo Arena” мажмуасида нишонлади.

Тадбирда Шавкат Мирзиёев сўзга чиқиб, ўзига билдирилган ишонч учун халққа миннатдорлик билдирди.

“Шундай улуғ халқнинг ишончи мен учун катта бахт! Менга шунча ишонч билдириб, қўллаб-қувватлагани учун барча партиядошларимга, ёшларга, азиз фарзандларимга, мунис оналарим ва нуроний оталаримизга таъзим қилиб, раҳмат айтаман. Бу ишонч менга куч бағишлайди. Шу билан бирга, ички дунём билан сезаманки, бу жуда катта масъулият ва жавобгарлик”, – деди Шавкат Мирзиёев.

Сайланган Президент ҳозир қанчадан-қанча мураккаб синовларни енгиб ўтиш кераклиги, ўзбек халқи ўзига хос меҳнатсеварлик ва фидойилик билан бирлашиб, улкан муваффақиятларга эришаётганини таъкидлади.

“Охирги беш йилда қандай-қандай синовларни бошимиздан ўтказдик. Биз бу синовларда тобландик. Бир-биримизга меҳримиз ошди. Жипслашдик. Халқимиз бирлашса, нималарга қодирлигини бутун дунё яна бир марта кўрди”, – деди президент.

Мирзиёев, шунингдек, илк бор Сайлов кодекси асосида ўтказилган Президент сайлови демократик руҳда, очиқ ва ошкора ўтганини таъкидлади.

Давлат раҳбари барча хорижий ва маҳаллий кузатувчиларга, Марказий сайлов комиссияси, округ ва участка сайлов комиссиялари аъзоларига, оммавий ахборот воситалари вакилларига миннатдорлик билдирди.

Шунингдек, Президент сайловида бошқа сиёсий партиялардан ҳам иштирок этган номзодларга миннатдорлик билдирди.


O'zbekistondagi eng so'nggi yangiliklar
smartfoningizda

@plov.press

Шунингдек, ўқинг

Подпишитесь
на наш Telegram канал