Марказий сайлов комиссияси сиёсий партияларнинг ваколатли вакилларини рўйхатдан ўтказди

Марказий сайлов комиссияси сиёсий партияларнинг ваколатли вакилларини рўйхатдан ўтказди

Марказий сайлов комиссияси Ўзбекистондаги бешта сиёсий партияларнинг Президент сайловлари бўйича ваколатли вакилларини рўйхатдан ўтказди. Улар сайлов комиссияси йиғилишларида қатнашади ва овозларнинг ҳисобланишини назорат қилади.

Сайлов кодекси нормаларига мувофиқ, маълум лавозимларга ўз номзодини кўрсатган сиёсий партия ваколатли вакилни тайинлаши мумкин. Бундай одамлар сайлов комиссияси йиғилишларида, ҳужжатларни топширишда, имзо рўйхатларини текширишда, сайлов участкасида овозларни санашда қатнашадилар.

Ваколатли вакиллар:

– Бахтиёр Султанназирович Ёқубов: Ўзбекистон Либерал-демократик партияси;

– Баҳодиржон Муллажон ўғли Маматхонов: “Миллий тикланиш” демократик партияси;

– Aбдукамол Шодиевич Раҳмонов: “Aдолат” социал-демократик партияси;

– Саидрасул Саидакбарович Сангинов: Экологик партия;

– Улуғбек Назарович Вафоев: Халқ демократик партияси.

Ваколатли вакиллар сайлов натижалари матбуотда эълон қилинган кунгача ўз вазифаларини бажаришади.

 


O'zbekistondagi eng so'nggi yangiliklar
smartfoningizda

@plov.press

Шунингдек, ўқинг

Подпишитесь
на наш Telegram канал