Подпишитесь
на наш Telegram канал
Ўзбекистонда бўлиб ўтган президент сайловларида ишлаган ШҲТ миссияси уларни ҳақиқий деб топди. Кузатувчилар ҳеч қандай қонунбузарликларни аниқлашмади.
Шанхай ҳамкорлик ташкилоти (ШҲТ) Бош котиби ўринбосари, ШҲТ кузатувчилар миссияси раҳбари Ерик Ашимов Ўзбекистон Марказий сайлов комиссиясида бўлиб ўтган матбуот анжуманида президентлик сайловларини кузатиш натижалари тўғрисида баёнот берди.
Хусусан, ШҲТ президентлик сайловларини кузатиш таклифини мамлакат раҳбариятининг сайловларни максимал даражада очиқлик, шаффофлик ва демократик ўтказишга интилиши сифатида баҳолашини таъкидлади.
ШҲТ миссияси сайлов қонунчилиги ва республикада сайлов ўтказиш амалиётини чуқур таҳлил қилди.
“ШҲТ Бош котибининг ўринбосари сифатида ШҲТ миссиясини бошқардим, миссия 16–24 октябрь кунлари Ўзбекистон Республикасида президентлик сайловларига тайёргарлик кўриш ва уни ўтказиш бўйича қисқа муддатли кузатув ўтказди. Миссия таркибига аъзо давлатларнинг қонун чиқарувчи ва сайлов органлари вакиллари, шунингдек, ШҲТ РАТТ Котибияти ва Ижроия қўмитаси мутасаддиларидан иборат аккредитациядан ўтган 26 та халқаро кузатувчилар иштирок этди”, – деди Ашимов.
Миссия Ўзбекистондаги президентлик сайловларидаги ишининг натижаларига кўра, овоз бериш республиканинг сайлов қонунчилиги талаблари ва мамлакат зиммасига олган халқаро мажбуриятларга мувофиқ ўтказилганини тан олди.
“Миссия Ўзбекистон Республикаси Президенти сайловининг қонунийлигига шубҳа туғдирадиган миллий қонунчилик нормалари бузилганлигини қайд этмади, Ўзбекистон Республикаси Президенти сайловини ошкора, ишончли ва демократик тамойилларда ўтди. Миссия Ўзбекистон халқини сайловнинг якунланиши билан табриклайди, мамлакат мустақиллиги ва суверенитети ҳамда ижтимоий-иқтисодий ривожланишини мустаҳкамлаш, янги ютуқлар ҳамда фаровонлик курсини амалга оширишда муваффақиятлар тилайди”, – деди ташкилот раҳбари.
O'zbekistondagi eng so'nggi yangiliklar
smartfoningizda