Ҳар ким “Ўзбекистон Ниагараси” ни юқоридан кўра олади. Лекин қандай қилиб?

Машҳур Сангардак қишлоғининг гўзаллигини, жумладан, “Ўзбекистон Ниагараси” деб аталадиганшаршарани осма дор йўли орқали томоша қилишмумкин. У Венгрия компанияси билан ҳамкорликда 10 миллион еврога қурилади.

Сурхондарё вилояти делегациясининг 7-9 апрелькунлари Венгрияга сафари чоғида Венгриянинг “ДОППЕЛМАЙР” компанияси ва Деновтуманидаги “Денов олтин дон” МЧЖ ўртасида Ўзбекистоннинг Сариосиё туманида мазкур лойиҳани амалга ошириш бўйича шартнома имзоланди.

Узунлиги 1200 м бўлган осма дор йўли даранинг икки томонини боғлайди. Бундан ташқари, у ерда бутун туристик ҳудуд пайдо бўлади. Тепасида кузатув майдончаси, меҳмон уйлари, ресторан ва кўнгилочар жойлар қурилади. Дам олувчилар от ва туя миниши, спорт билан шуғулланиши, сельфи зоналарида суратга тушиши, сайр қилиши мумкин бўлади.

Хорижий технологиялардан фойдаланилган осма дор йўлини жорий йилда фойдаланишга топшириш режалаштирилган. Бунинг самарасида “сайёҳ” мақомига эга бўлган Сангардак қишлоғи дам олувчилар учун янада жозибали бўлади, чунки у ерда ўтган йили қурилган гўзал табиат ва замонавий санаторий бор.