“Яна бир Ўзбекистон”. Россияда Ўзбекистон туризми бўйича махсус репортаж эфирга узатилди

Россиянинг “Россия-24” телеканали “Яна бир Ўзбекистон” номли махсус репортаж тақдим этди. 50 дақиқалик видеоролик республиканинг маданияти ва ноодатий жойлари ҳақида ҳикоя қилади.

Репортаж муаллифи Анна Афанасьева. У Ўзбекистондаги туризм жадал ривожланаётгани ҳақида гапириб, ташриф буюрган сайёҳларнинг асосий қисмини россияликлар ташкил этишини таъкидлади. Анна икки давлат ўртасидаги кутилмаган йўналишлар ва қўшма лойиҳалар мавзусига ҳам тўхталиб ўтди.

Репортаж қаҳрамони эса Ўзбекистонга тез-тез келиб турадиган ёзувчи ва блоггер Дарья Сиротина бўлди. Бундан ташқари, у “Менинг Ўзбекистоним” номли иллюстрацион йўлкўрсатнич ҳам чоп қилди. Хабарда Дарья республикага йилига бир неча бор ташриф буюриши ва энг муҳими, маҳаллий аҳолининг меҳмондўстлиги уни ўзига жалб этишини айтади.

Кўрсатувда бошқа меҳмонлар, масалан, журналист ва тарихчи Борис Голендер, Игор Савицкий номидаги Давлат санъат музейи директори, шунингдек, Ўзбекистон Туризм ва маданий мерос вазири ўринбосари Улуғбек Аъзамовлар ҳам иштирок этишган. Вазир ўринбосари Россия ва Ўзбекистон ўртасидаги туризм соҳасидаги ҳамкорлик мавзусини кўтарди.

Эътибор беринг, Ўзбекистон сайёҳларни жалб қилиш учун барча имкониятларни ишга солмоқда. Буни жадал ривожланаётган туризм соҳасининг асосий кўрсаткичлари ҳам кўрсатади.

Охирги 4 йил ичида 800 дан ортиқ янги меҳмонхона ва меҳмон уйлари қурилди. Шу билан бирга, март ойида уларнинг ўртача иш ҳажмиреспублика бўйича 70,8 фоизни ташкил этди. Ўтган ойда жами 72 минг киши меҳмонхоналарда истиқомат қилди, бу 2021 йилги пандемияга нисбатан қарийб 2 баравар кўпдир.

Ўзбекистон меҳмонлари орасида етакчи ўринни Россия фуқаролари эгаллаб турибди – 23,4 фоиз. Россиядан кейин Қозоғистон ва Тожикистондан келган сайёҳлар бормоқда.