Катта Чимён очиқ ҳавода ишқибозлар учун ажойиб маскан

Чимён (Чотқол тоғ тизмаси, Ғарбий Тяьн-Шан) –Тошкентдан 85 км узоқликда, яъни машинада тахминан 1,5 соат масофада жойлашган Бўстонлиқ туманидаги гўзал дам олиш маскани ва тоғ-чанғи курорти. Туманнинг энг баланд нуқтаси Катта Чимён чўққиси (3309 м), унинг ёнида Кичик Чимён чўққиси (2097 м) жойлашган.

Чимён тоғ тизмаларига тоғ чанғиси ва Ўзбекистон тоғларида саёҳат қилиш ишқибозлари – алпинистлар, чанғичилар, сноубордчилар, сайёҳлар, дестаплан ва парапланчилар, шунингдек, турли ижодкорлар ташриф буюришади.

Йўлаклар ва хусусиятлар

Қиш мавсумида Катта Чимён ҳар қандай дид ва тоифа учун турли хил тоққа чиқиш ва сайёҳлик маршрутларини таклиф этади, ён бағирлари ҳам янги бошловчилар, ҳам тажрибали чанғичилар учун мос келади.

Маҳоратини оширишга интилаётган кўпчилик Чимённи танлайди. Ҳаддан ташқари тик тушишлар деярли йўқ, бироқ бир нечта хатарли ҳудуд ва хавфли бурилишлар билан бир неча тик қияликлармавжуд. Ёввойи ён бағирларидан ташқарида чанғи учиш бу жойларда жуда машҳур, аммо профессионал йўриқчи иштирокида қатъий равишда маршрутдан четга чиқмаслик тавсия этилади.

Тушиш қийин қизил йўлаклар слалом ва чанғи учиш учун жиҳозланган. Шунингдек, Ўзбекистон терма жамоаси спортчилари машғулотлар, ҳудудий мусобақалар ўтказиладиган махсус қияликлар ҳам бор.

Бу жойларда ўртача баландлик 1,5 км. Нишаблар силлиқ, яхши кўриш мумкин, чунки ўсимликлар кам. Баландлик фарқи 400 дан 1200 м гача ўзгариб туради, чиқишнинг давомийлиги ярим соатдан 5 соатгача ёки ундан кўпроқ вақтни олиши мумкин.

Чанғи спортига қўшимча равишда чана, сноуборд ва қор автомобилида юриш мумкин. Улар учун алоҳида зоналар ажратилган.

Мавсум декабрь ойининг охирида бошланади ва март ойининг охирида ёпилади. Бунинг сабаби, кўпчилик ён бағирлари шимолга қараган, шунинг учун қор узоқ вақт туради. Шу билан бирга, қор қоплами жуда кўп, об-ҳаво ёқимли ва жуда совуқ эмас, қуёшли кунлар кўп.

Тепага кўтарилиш ва бошқа хизматлар

Чимён ён бағири йўлаклари арқон-ўтирғичли, арқон йўлак ва бир нечта тоғ-чанғи тортмалари билан жиҳозланган. Уларда кўтарилиш ўртача 10-15 дақиқа давом этади. Нархи тахминан 10-20 минг сўм.

Агар керак бўлса, соати тахминан 108 000 сўм турадиган спорт анжомлари ва кийимларини ижарага олиш мумкин. Бундан ташқари, инструктор ва гидлар ўз хизматини таклиф қилишади, уларнинг нархи 1 миллион сўмгача бўлиши мумкин.

Қишда Чимён, биринчи навбатда, очиқ ҳавода дам олиш учун идеал жой. Шу билан бирга шунчакисайр қилиш, юқоридан гўзал манзараларни томоша қилиш ҳам мумкин. Меҳмонхоналар ва мажмуалар кўпинча караоке ва шоу дастурлари каби ўйин-кулгиларни таклиф қилади. Шунингдек, уларда ресторан ва бар, сауналар, ўйин хоналари мавжуд.

Қаерда қолиш керак

Чимёнга кўпчилик бир неча кунга келишади, яъни бирор жойда тунаш ёки бир неча кун қолиш зарурати туғилади. Мажмуадан унчалик узоқ бўлмаган жойда Chimgan Apple Garden, Premium Cottages, “Авеню Парк”, “Лайнер ГКК”, B&B Lake House каби бир қанча машҳур мажмуалар жойлашган.

Бундай мажмуалардан бирида тунаш ўртача 680 минг сўмдан 2 миллион сўмгача туради. Улардачиройли манзаралар, хоналарда ёки коттежларда яшаш, шунингдек, ёпиқ бассейн, фитнес марказлари, ўйин хоналари ва бошқалар каби қўшимча хизматлар таклиф қилинади.

Маҳаллий аҳоли кундузи квартираларни ижарага олишади, баъзилари эса кунига уч марта овқатланишади. Агар мос вариант топилмаса,қўшни Юсуфхондан жой излаш мумкин.

Фойдаланилган материаллар: w-sail.com, centralasia-travel.com, скиспорт.ру.