Ўзбекистон фуқаролари асосан Россия Федерациясининг 5 та шаҳрида ишлайди

Россиянинг Новосибирск, Томск, Самара, Москва ваСанкт-Петербург каби шаҳарларида Ўзбекистонфуқаролари энг кўп меҳнат қилмоқда. Бу ҳақда ЎзХДП фракцияси аъзоси Анвархон Темиров Ўзбекистон Олий Мажлиси Қонунчилик палатаси мажлисида маълум қилди.

Йиғилишда вақтинча хорижий давлатларга ишлаш учункетган ёшлар билан ишлаш, Ўзбекистон ёш фуқаролариниҳуқуқий қўллаб-қувватлаш ва бандлигини таъминлашмасалалари кўриб чиқилди.

Темиров ўтган йили мазкур шаҳарларда учрашув ва суҳбатлар ташкил этилгани, уларда 25 мингга яқин ўзбекистонлик ёшлар иштирок этганини таъкидлади.

Шу билан бирга, Ўзбекистонга қайтиш истагини билдирганларнинг бандлигини таъминлашга алоҳида эътибор қаратилди.

Ўзбекистонга қайтиш истагида бўлган ҳар бир кишини иш билан таъминлаш, касб-ҳунарга ўргатиш чоралари кўрилмоқда.

Ёшларнинг хорижда яшаши масаласи маҳалла, яъни доимий яшаш жойи даражасида ҳам қизиқиш уйғотади. Йиғилишда маҳалла профилактика инспекторлари хорижда меҳнат қилаётганлар, уларга яратилган шарт-шароит билан қизиқиб, улар билан доимий алоқада экани таъкидланди.

Ўзбекистон Республикаси Ёшлар масалалари агентлиги директори Алишер Саъдуллаевнинг айтишича, ёшлар етакчилари уйма-уй юриб, хорижда бўлган 268 минг нафар ёшлар рўйхатини шакллантириб, улар билан доимий алоқа ўрнатган.

Ўтган давр мобайнида 328 минг нафар фуқаро ўз ватанига қайтиб, иш билан таъминланди. Хориждаги 89 минг нафар ёшларнинг оилаларига моддий, ҳуқуқий ва ижтимоий ёрдам кўрсатилди.