Aмина Бекжанова: бизнесдаги муваффақиятга қандай эришиш мумкин?

Сўнгги тўрт йил ичида тадбиркор Нукус ва Мўйноқ ўртасида яшаб келган. Беш юз километр у томонга ва орқага, аллақачон бундай ҳаёт ритмига ўрганиб қолган эди.

Мўйноқда Aминанинг ўз меҳмонхонаси, Орол денгизи бўйида жойлашган ўтов лагери, кафеси бор. У Нукусда биринчилардан бўлиб хусусий меҳмонхона очди. Янги меҳмонхоналар пайдо бўлиши билан рақобат кучайиб кетди, аммо Aмина бундан қўрқмайди. Меҳмонларнинг аксарияти бир неча йил олдин ўз танловини қилган доимий мижозлардир.

Улар Мўйноқда туризмни ривожлантиришни таклиф қилишганда, мен дарҳол рози бўлдим, анчадан бери ушбу шаҳар билан боғлиқ лойиҳани орзу қилардим.

“Кемалар қабристони” очиқ осмон остидаги музей ёнида кафе ва маёқ – кузатув минораси, Мўйноқнинг ўзига хос рамзи пайдо бўлди. Кўплаб сайёҳлар у доимо бу ерда бўлганига ишонишади. Aслида уни Aмина Бекжонова қурдирган, чунки бир вақтлар Орол бўйида турган шаҳарда маёқ бўлиши керак эди.

Шунингдек, бу ерда узоқ саёҳатдан кейин дам олишга ўтовлар ҳам мавжуд, миллий таомлардан таомларни татиб кўриб, яна йўлга чиқса бўлади.

Мўйноқда Aмина очган меҳмонхона тарихий бинода жойлашган. У 1936 йилда қурилган ва илгари туман шифохонаси бўлган. У бинони бузмади, балки капитал таъмирлашни амалга оширди. Меҳмонхонага ёндош нон пишириш цехи қурилди. Буюртмачилар орасида шаҳар корхоналари, ижтимоий соҳа объектлари бор. Карантин кунларида, ўтган йилнинг ёзида маҳалла аҳолисига пиширилган нон маҳсулотлари бепул тарқатилди ва улар бошқа озиқ-овқат маҳсулотлари билан ёрдам беришди.

Орол денгизига саёҳатлар, Самарқанд, Бухоро ва Хивага экскурсиялар – Қорақалпоғистонга зиёрат сафарларини ўз ичига олган йирик лойиҳанинг бир қисмидир. Бунинг учун ишбилармон аёл кредит маблағлари ҳисобига сотиб олинган иккита автобус ва иккита “жип” автомобилига эга.

“Ҳозир маҳаллий туризмни ривожлантириш вақти келди”, – дейди Aмина Бекжонова. – Мўйноққа ва ҳудуднинг тарихий жойларига саёҳатлар учун буюртмалар республиканинг кўплаб корхона ва ташкилотларидан келади. Бутун жамоа бўлиб чиқиш аллақачон дам олиш кунларининг яхши анъанасига айланган”.

Aмина нафақат бизнес билан шуғулланади, балки эндигина тадбиркорликни бошлаганларга ҳам ёрдам беради. У менежери Дилфуза Қутлимуратова билан биргаликда ўз бизнесини бошлашни истаган Мўйноқ аёллари учун маҳорат дарсларини ўтказмоқдалар.

Ҳозирда Aмина май ойининг ўрталарида Мўйноқда электрон мусиқа, санъат ва фан фестивалига йиғиладиган меҳмонларни кутиб олишга тайёрланмоқда. Унда иштирок этиш учун дунёнинг кўплаб мамлакатларидан мусиқачилар мурожаат этишди. Шунингдек, у сайёҳлар учун барча фойдали маълумотларни ўз ичига олган каталог устида ишламоқда. Бундай қўлланма қадимий заминга саёҳат қилишни танлаган ҳар бир кишига ажойиб совға бўлади.