Ўзбекистонда машҳур бўлган россиялик қўшиқчи Анна Asti концертларини вақтинча тўхтатди ва март ойидаги гастролларини апрель ойига қолдирди. Бу қарор соғлиғи билан боғлиқ бўлиб, у ҳозирда саломатлигини тиклаш билан жиддий шуғулланмоқчи.

Бу ҳақда санъаткор мухлисларига ижтимоий тармоқларда шахсан маълум қилди.

— Азизларим, яхши янгилик айтишни истардим, лекин начора борини айтишга мажбурман. Жуда зерикдим, кўп чиқиш қилишни хоҳлардим, барчамиз ВДНХда концерт беришдан жуда хурсанд бўлдик, кейин эса шахсий тадбирда ишладик. Аммо кўпчилик боғда оқсоқланиб юрганимни пайқади, –дейилади хабарда.

Анна Asti январь ойида икки оёғи операция қилинганини эслатди. Бу Келлера II деб номланган кам учрайдиган касаллик туфайли шундай бўлган. Бу оёқларда ёмон қон айланишига олиб келади ва кутилмаган хуружлар шаклида ўзини намоён қилади.

Шундан сўнг, Анна Москвада концерт берди, лекин кўриб турганингиздек, у ҳали концерт фаолиятига тайёр эмас. Astiнинг сўзларига кўра, унинг оёғи қаттиқ оғрияпти. Айни пайтда хонанда икки соатлик гастроль концертларига чидай олмаяпти.

Хонанда чипта сотиб олишга улгурганмухлисларни ҳам ишонтирди — улар ўз кучида қолади. Ҳозир хонанда кейинги қулай саналар учун жойлар ажратилишига музокаралар олиб бормоқда.

— Охирги лаҳзагача иштиёқда бўлдим ва уриниб кўрмоқчи эдим, лекин сўнгги марта кўзимда ёш билан саҳнани тарк этдим. Баъзида менга боғлиқ бўлмаган ҳолатлар бўлади ва бу ҳолда унга ҳеч қандай таъсир қила олмайман, – дея қўшимча қилди Анна.

Шунингдек, у соғлиқ муаммолари билан шуғулланаётганини айтди. Бундан ташқари, Astiоғриқдан халос бўлиш учун яна бир операцияга тайёр.