14 январь куни Россиянинг ТНТ каналида машҳур “Дубайда омон қолиш” шоусининг иккинчи мавсуми бошланади. Фақат бу сафар дастур Ўзбекистонда бўлиб ўтиши сабаб “Самарқандда омон қолиш” деб номланди.

Каналда реклама аллақачон ишга туширилган, уни PLOV.PRESS телеграм каналида ҳам топишингиз мумкин.

Шоунинг шартларига кўра, иштирокчилар беш юлдузли меҳмонхонада яшаш ва “Silk Road Samarkand” мажмуасидан баҳраманд бўлиш ҳуқуқи учун жамоа бўлиб ўзаро беллашадилар. Мағлуб бўлганлар қийин шароитда “омон қолишга” мажбур. Рекламага кўра, у сувсиз ва ётоқсиз тоғ лагери бўлади. Бош соврин 10 миллион рублни ташкил қилади.

“Жамоа аъзолари мамлакатимизнинг турли ҳудудларидан келган, хорижда бўлмагандан иборат. Улар орасида россиялик таниқли шахслар: Митя Фомин, Назима, Юлия Паршута, Вики Одинцова, Сергей Гореликов, Влад Топалов бор”, дейилади шоу тавсифида.

Шоуни россиялик юлдузлар — Павел Воля ва Ляйсан Утяшева олиб боради. Биринчи мавсум ғояси уларга Дубайда дам олиш чоғида, алоқасиз чўлда қолиб кетган пайтда пайдо бўлган. Биринчи мавсумнинг “юлдузли” жамоаси таркибида Анна Хилькевич, Давид Манукян, Тимур Батрутдинов, Павел Мамаев каби машҳурлар бор эди.