Россиянинг НТВ телеканали Тимур Родригезиштирокидаги “Попутчик” сайёҳлик кўрсатувининг Ўзбекистонга сафарига бағишланган қисмини намойиш этди. Кўрсатувқоидаларига кўра, томошабинлардан бирибошловчига ҳамроҳ сифатида қўшилади. Липецклик Николай Темур билан Ўзбекистонга кетган.

Эпизоддан танланган кадрларни PLOV.PRESS телеграм каналида кўриш мумкин.

– Тимур Родригез дунёнинг маркази – Ўзбекистонга йўл олди! Айнан ўша ерда, Ипак йўлининг айнан марказида бир вақтлар Шарқ ва Ғарб маданиятлари қўшилиб кетган. У ерга дунёнинг турли бурчакларидан беҳисоб бойликка эга карвонлар оқиб келган ва ҳозир у ерга миллионлаб сайёҳлар оқиб келишмоқда, –дейилади нашр тавсифида.

Эслатиб ўтамиз, суратга олиш ишлари ёзда бўлиб ўтган. Саёҳат давомида Родригез ва унинг ҳамроҳи Тошкент ва Самарқандда бўлди. У ерда маҳаллий диққатга сазовор жойлар, жумладан, “Чорсу”бозори, Ҳазрати Имом мажмуаси, “Наврўз” истироҳат боғи, “Жасорат” ёдгорлик мажмуаси ва бошқа жойларда бўлди.

Лойиҳа доирасида Ўзбекистонга сафар қилган Николай эшиттириш якунида ўз таассуротлари билан ўртоқлашди. Саёҳатдан, айниқса, Самарқанднинг гўзаллигидан, одамларининг меҳрибонлигидан шунчалик таъсирландики, ҳеч қаёққа кетгиси келмади.

Тимур Родригез нафақат Россияда, балки хорижда ҳам машҳур телебошловчи. У бир неча бор кўнгилочар шоуларнинг (“Маска”) иштирокчисига айланди ва саёҳат дастурларини (“Орел и решка”) олиб борди. Бундан ташқари, баъзилар Тимурни фильмларда ("“Мамы 3”, “Корни”) кўрган ва унинг овозини мультфильмларда эшитган бўлиши мумкин (“Энканто”, “Хранители снов”).