Ижтимоий тармоқларда Улуғбек Қодиров романтик муҳитда Ситора Фармонованинг қўлини сўраганива у ҳам рози бўлгани акс этган видео тарқалди. Уни шу ерда, PLOV.PRESS телеграм каналида ҳам томоша қилишингиз мумкин.

“Repost.uz”нинг ёзишича, таклиф “Альфонс” сериали суратга олиш жараёнидан лавҳа.

Эслатиб ўтамиз, сериал, шунингдек, унинг премьераси ҳақида алоҳида маълумот берилмаган. Бироқ мухлисларнинг қизиқишини мана шундай видеолавҳалар орттириб бормоқда. Баҳорда мухлислар Улуғбек Қодиров Ситора Фармоновага қимматбаҳо машина совға қилгани ҳақидаги яна бир видеони муҳокама қилишганди.

Улуғбек Қодиров ўзбек киноси юлдузи. У 30 дан ортиқ фильмларда, жумладан, “Барон”, “Эҳ,Марям, Марям”, “Хоин” каби картиналарда суратга тушган. Яқинда ижтимоий тармоқларда унинг янги “Уч қаҳрамон” фильмидаги суратга олиш жараёнидан видео пайдо бўлганди. Қўшимча қилиб ўтамиз, у турмуш ўртоғи Азизахон билан бирга уч фарзандни тарбияламоқда.

Унинг “Альфонс” сериалидаги шериги Ситора Фармонова бўлиб, у Ўзбекистонда “Азия MIX”таркибида КВН иштирокчиси сифатида ҳам танилган.